"BMW" və "Porsche" ən etibarlı avtomobillər reytinqində birinci yeri tutublar.

Sfera.az xəbər verir ki, "Porsche" 718 araşdırmada iştirak edən bütün avtomobillərdən maksimum xal toplayıb, "BMW" "X1" və "X6" müvafiq olaraq “Kiçik Premium SUV” və “Orta Premium SUV” kateqoriyalarında qalib gəlib.

Bu arada, "Toyota JD Powe" reytinqində ən çox mükafat toplayıb. Öz kateqoriyalarında ən yaxşı avtomobillər "Lexus ES", "IS", "NX", "RX", "Toyota 4Runner", "Camry", "Corolla", "Tacoma" və "Tundra" olub. "JD Power" şirkəti 35-ci illik Avtomobil Etibarlılığı Araşdırmasını dərc edib. Bir il əvvəl olduğu kimi , burada da birinci yeri "Lexus" (PP100 indeksi - 135), ikinci və üçüncü yeri "Toyota" (147) və "Buick" (149) tutub.

Ümumilikdə, JD Power qeyd edir ki, avtomobillərin etibarlılığı azalıb, çünki orta indeks dəyəri il ərzində dörd bənd artaraq 190-a çatıb. Əksər avtomobil sahibləri davamlı olaraq multimedia sistemlərindən şikayətlənirlər. Həmçinin qıcıqlanmaya səbəb, elektron köməkçilərdən gələn bildirişlərin sayının artmasıdır.

İnci