ABŞ-ın Luiziana ştatında 4 ildir ki, heç kim keçmişinə görə pulsuz verilən evi almaq istəməyib. Bina sökülsə də, hər şey bununla da bitməyib.

Sfera.az bildirir ki, bir vaxtlar məşhur “Amityville Dəhşət Evi” ilə müqayisə edilən kabuslu ev artıq yoxdur.

Daşınmaz əmlak agenti Silviya Macleyn (Sylvia McLane) evin tarixini qoruyub saxlamaq istəsə də, heç kim bu evin sahibi olmaq istəməyib. Qaranlıq keçmişlə yanaşı, başqa bir amil də insanları bu evdən hürküdüb.

İllərdir ki, dörd otaqlı mülk sakinlərin ürəyinə qorxu salıb. İnsanların çoxu daim bu evin dəhlizlərində yaşlı bir qadının ruhunun gəzməsi barədə qorxunc hekayələr eşidib. Evin tarixini qorumaq istəyən daşınmaz əmlak agenti Silviya 2020-ci ildə Facebook-a 1930-cu illərə aid tikilini pulsuz verməyə cəhd edib. Ancaq onun bu ideyası da uğursuz olub. Qorxuya düşən sakinlər müasir dövrdə belə ürküdücü yaşayış yerinə girməyə qorxublar.

Sosial şəbəkə istifadəçilərindən biri yazıb: "Mən bu evdə yaşayan sonuncu kirayəçi idim. Ev cənnət kimi olsa da, ruhlarla ünsiyyət sevmirsənsə, qətiyyən riskə getmək olmaz. Ruhlar evin içərisində əməlli-başlı çox yüksək səslə danışırlar".

Silviyanın evi xilas etmək üçün bütün səylərinə baxmayaraq, o, evin yerlə-yeksan edildiyini təsdiqləyib.

Bu qeyri-adi dərəcədə gözəl evi başqa yerə köçürmək 80 min dollara başa gəlib. 48 hektarlıq master dizaynlı, özəl, qapalı icma hazırda yenidən tikilir və son tamamlama mərhələsindədir.

Maraqlıdır ki, ev hələ də mühafizə olunur. Evi hələ də Google xəritələrində görmək olar.

Keçmiş sakin Dawn Vallot DeClout əvvəllər evin təxminən 90 yaşında vəfat edən ulu nənəsi Adele Vincentin ruhu tərəfindən təqib edildiyini iddia edib.
 

"Bu evdə ruh var və onun adı Adeldir... mənim böyük nənəm".

DeClout ailəsi 1860-cı ildə 160 hektarlıq ərazidə tikilən mülkün 100 ildən çox müddətdə sahib olub. DeClout ailəsi 1981-ci ilə qədər burada yaşayıb.

"Biz ruhum Adel olduğunu düşünürük, lakin o, heç də qorxulu deyil. Adel nənəmiz demək olar ki, 90 yaşına qədər yaşayıb. Həyatı boyu sobanın üstündə qazan qarışdırmaqla keçib ömrü. O, bununla məşhur idi. Xüsusən biz orada yaşadığımız vaxtlarda. Biz daim mətbəxdə onun nəsə bişirdiyini eşidirdik. Ondan başqa o evdə kimsə qazan qapağını ancaq yemək götürmək üçün açıb həmişə”.

Aynil

Sfera.az