Zalujnının istefasının rəsmi səbəbi AÇIQLANDI
Ukrayna Silahlı Qüvvələrinin (AFU) rəhbərliyində dəyişiklik cəbhənin cənub istiqamətində əks-hücum əməliyyatının uğursuzluğu ilə bağlıdır.
Sfera.az xəbər verir ki, Ukrayna Silahlı Qüvvələrinin Ali Baş Komandanı Valeri Zalujnının istefasının rəsmi səbəbini Ukrayna Prezidenti Volodimir Zelenski Telegram-da yayımladığı videoda açıqlayıb.
“Səmimi deməliyik: cənub istiqamətlərində durğunluq hissi və Donetsk vilayətindəki döyüşlərdəki çətinliklər ictimai əhval-ruhiyyəyə təsir etdi. Ukraynalıların qələbədən danışmağa meyli azalıb. Bu il hər bir Ukrayna əsgərinin Ukraynanın, Ukrayna ordusunun qalib gəlməyə qadir olduğunu bildiyi il olmalıdır”, - deyə Zelenski bildirib.
Fevralın 8-də Ukrayna prezidenti Volodimir Zelenski Ukrayna Silahlı Qüvvələrinin baş komandanı ilə görüşdüyünü və iki illik fəaliyyətinə görə ona təşəkkür etdiyini bildirib . Ukrayna liderinin sözlərinə görə, indi ordu komandanlığını yeniləməyin vaxtıdır.
Bundan əvvəl Zalujnının istefası Ukrayna Müdafiə Nazirliyi tərəfindən təsdiqlənib.
Əzizə
