Türkiyə Təhlükəsizlik Kəşfiyyat Baş İdarəsi və Terrorla Mübarizə Şöbəsinin koordinasiyasında 33 vilayətin polis idarələri tərəfindən terror təşkilatı İŞİD-ə qarşı eyni vaxtda əməliyyatlar keçirilib. Əməliyyat zamanı 147 nəfər saxlanılıb.

Sfera.az xəbər verir ki, bu barədə ölkənin daxili işlər naziri Ali Yerlikaya məlumat verib.

Əməliyyatlar Adana, Adıyaman, Afyonkarahisar, Ankara, Antalya, Bingöl, Bitlis, Bolu, Bursa, Çorum, Diyarbakır, Düzce, Eskişehir, İstanbul, Qaziantep, İzmir, Karabük, Kayseri, Kırıkkale, Elazığ, Kırşehir, Kilis, İl Təhlükəsizlik Müdirləri tərəfindən, Kocaeli, Konya, Kütahya, Manisa, Mardin, Mersin, Muğla, Sakarya, Samsun, Şanlıurfa və Yalovada həyata keçirilib.

Ali Yerlikaya bildirib ki, xalqın əminamanlığı, birliyi və həmrəyliyi üçün heç bir terrorçuya göz yumulmayacaq.

“Təhlükəsizlik qüvvələrimizin üstün səyləri ilə mübarizəmizi davam etdirəcəyik. Əməliyyatları həyata keçirən qəhrəman polislərimizi təbrik edirəm. Terrorla mübarizəmiz son terrorçu zərərsizləşdirilənə qədər qətiyyətlə davam edəcək”.

Ülkər Abdurahmanlı