Killer Mayk səhnə adı ilə tanınan amerikalı reper Maykl Santiaqo Render “Qremmi” mükafatlandırma mərasimindən sonra polis tərəfindən saxlanılıb.

Sfera.az bildirir ki, reperin həbsinin ilkin səbəbi kimi onun hardasa dava salması göstərilib.

Qeyd edək ki, reper üç nominasiya - ən yaxşı rep mahnısı, ən yaxşı rep ifası və ən yaxşı rep albomu üzrə qalib olub.

Polisdən verilən məlumatda Mayka qarşı ittiham irəli sürüldüyü və istintaqıb davam etdiyi bildirilir.

“Qremmi” mərasiminin iştirakçıları və tamaşaçılar polisin reperi qandalla Los-Anceles arenasının VIP girişinin yaxınlığındakı təhlükəsizlik otağına apardığını görüblər.

Maykl Render 243(A) PC (dava) ittihamı ilə həbs edilib. Hal-hazırda isə girov müqabilində azadlığa buraxılma prosesindədir.

Maykl Santiaqo Render (Michael Santiago Render)

Əsl adı Maykl Santiaqo Render olan Killer Mike amerikalı reper, sahibkar və ictimai fəaldır. 20 aprel 1975-ci ildə Atlanta, Corciya, ABŞ-da anadan olub.

Mayk musiqi sənayesində ilk dəfə 2000-ci illərin əvvəllərində Cənubi hip-hopda özünəməxsus üslubunu nümayiş etdirən "Monster" (2003) adlı debüt albomunun buraxılması ilə məşhurlaşıb.

Killer Mayk musiqi karyerası ilə yanaşı, siyasi aktivliyi və ictimai siyasi mövzularda açıq fikirləri ilə tanınır. O, sosial ədalət, polis islahatları və iqtisadi səlahiyyətlərin artırılmasını müdafiə edən müxtəlif kütləvi hərəkatlarda iştirak edib. 2016-cı ildə reper Berni Sandersin prezidentlik kampaniyasında fəal iştirak edib, onu dəstəkləyib və təbliğat aparıb.

Mayk həmçinin sahibkarlıqla məşğuldur. O, Atlantada bir bərbərxanaya sahibidir. Həmçinin reper dostu və aktivist El-P ilə şərikli talismanların satışı ilə məşğuldur.

Aysel

Sfera.az

Reper üç “Qremmi” mükafatı aldıqdan dərhal sonra saxlanıldı