İtaliyalı mafiya başçısı Fransada saxlanılıb.

Sfera.az bildirir ki, Marko Raduano narkotik ticarəti və digər cinayətlərə görə 24 il həbs cəzasına məhkum edilib. O, cəza çəkdiyi Sardiniya adasındakı həbsxanadan qaçmağa çalışarkən Fransada saxlanılıb.
 

Marko Raduanonun Korsika adasında saxlanıldığını Fransa və İtaliya rəsmi mənbələri də təsdiqləyib. Qeyd edək ki, onun adı “Europol”un Avropanın ən çox axtarılan qaçaqları siyahısında yer alıb.

“Europol”un məlumatına görə, Marko Raduano narkotik vasitələrin qanunsuz dövriyyəsi və digər qanunsuz hərəkətlərlə bağlı cinayətlərə görə 24 il müddətinə azadlıqdan məhrum edilib.

2023-cü ilin fevralında o, mələfələrdən istifadə edərək, divardan aşağı sürüşməklə həbsxanadan qaçıb.

Raduano Aleria şəhərində gənc qadınla birlikrə restoranda nahar edərkən saxlanılıb.

İtalyan səlahiyyətliləri Raduanonun yaxın adamı Canluici Troianonun da İspaniyanın cənubundakı Qranada yaxınlığında saxlanıldığını açıqlayıb.

Xatırladaq ki, 40 yaşlı Raduano Siciliya, Kalabriya və Neapolun daha məşhur olan təşkilatlarından sonra İtaliyanın dördüncü mafiyası adlandırılan “Foggia” cinayət sindikatının rəhbəridir.

Aysel

Sfera.az