ABŞ ordusu İraqı və Suriyanı VURDU
ABŞ hərbi qüvvələri İraq və Suriyada 85-dən çox hədəfi vurub.
Sfera.az xarici KİV-ə istinadən xəbər verir ki, bu barədə ABŞ Mərkəzi Komandanlığının bəyanatında bildirilib.
Məlumata görə, hava zərbələri çoxlu sayda təyyarə ilə həyata keçirilib, 125-dən çox dəqiq döyüş sursatından istifadə edilib. Zərbələrə məruz qalan obyektlər arasında komanda və idarəetmə əməliyyatları mərkəzləri, kəşfiyyat mərkəzləri və pilotsuz uçuş aparatlarının saxlanıldığı yerlər var.
Bəyənatda bu addımın İordaniyada ABŞ hərbçilərinə qarşı hücuma cavab olaraq atıldığı qeyd olunub.
Xatırladaq ki, ABŞ İordaniyadakı Amerika əsgərlərinin İraqdakı İslam Müqaviməti Hərəkatı tərəfindən hücuma məruz qaldığını bildirmişdi. Pentaqonun məlumatına görə, zərbə nəticəsində 3 ABŞ hərbçisi həlak olub, 40-dan çoxu isə yaralanıb. ABŞ hadisəyə görə İranı günahlandırıb.
Firuzə Əliyeva
