Məhkəmə 88 yaşlı fransız aktyorla bağlı bu qərarı verdi

Məşhur 88 yaşlı fransız aktyor Alen Delon rəsmi olaraq səriştəsiz elan edilib. O, daşınmaz əmlakını müstəqil idarə etmək qabiliyyətini itirib, övladlarının isə artıq onu həkimə müayinə üçün aparmağa ixtiyarı yoxdur.

Sfera.az xəbər verir ki, bu məlumat Fransa məhkəmələrindən birinin bu yaxınlarda çıxardığı məhkəmə qərarından məlum olub.
 

Aktyor bundan sonra həyatını özü tam şəkildə idarə etsə də, daşınmaz əmlakını sata bilməyəcək.
 

Alen Delona xüsusi üçüncü tərəf agenti təyin olunub və o, aktyorun əmlakı ilə bağlı belə vacib məsələlərlə məşğul olacaq.
 

Bundan əlavə, məhkəmə Alen Delonun övladlarının da ataları üçün həkim axtarmaq və ya ona hər hansı müalicə üçün icazə vermək hüququna malik olmadığına qərara verib. Agent sağlamlıq problemləri ilə də məşğul olacaq.
 

Qeyd edək ki, buna səbəb aktyorun xəstəliyi olub. Yeddi il əvvəl Alen Delon aktyorluq karyerasını bitirdiyini və daha səhnəyə çıxmağı planlaşdırmadığını rəsmən elan edib. İki il sonra aktyorun ikiqat insult keçirdiyi məlum olub. Mürəkkəb əməliyyat keçirən aktyor İsveçrəyə köçüb. Daha sonra aktyora Alzheimer xəstəliyi diaqnozu qoyulub.
 

Son zamanlar isə aktyorun ailə üzvləri arasında anlaşılmazlıqlar başlayıb. Xüsusilə, aktyorun kiçik oğlunun bacısı Annuşkanı xəstə atasına uyğun olmayan rəftarda ittiham etdiyi məlum olub. O, media və ictimaiyyəti bacısının ağır xəstə atasının vəzifəsindən sui-istifadə etdiyini və spekulyasiya etməyə çalışdığına inandırıb. Alen Delon özü isə oğlunu səhhəti ilə bağlı şəxsi məlumatları açıqlamaqda ittiham edib.


Bundan əlavə, yanvarın əvvəlində özünü Alen Delonun yoldaşı adlandıran 66 yaşlı Hiromi Rollin övladlarının onu öldürməyə cəhd etdiyini bildirib.
 

Böyük ehtimalla aktyorun məhkəməyə getməsinə ailə problemləri səbəb olub. Hələlik aktyorun ailəsi məhkəmənin qərarını rəsmi şəkildə şərh etməyib.
 

Qeyd edək ki, əfsanəvi Alen Delon fransız aktyorudur. 8 noyabr 1935-ci ildə Fransanın Sen-Jermen-en-Laye şəhərində anadan olub. O, filmlərdəki görkəmli rolları ilə tanınır. O, həm də Avropa kinosunun kult simalarından biri hesab olunur. Delon “Kann” Film Festivalında “Fəxri Legion” və “Palma budağı” da daxil olmaqla, aktyorluq işinə görə çoxsaylı nüfuzlu mükafatlar alıb. O, hələ də öz nəslinin ən uğurlu fransız aktyorlarından biri hesab olunur.

Aynil

Sfera.az