ABŞ və Böyük Britaniya Yəməndəki Husi üsyançı hərəkatının dörd liderinə sanksiya tətbiq edib. 

Sfera.az xəbər verir ki, bu barədə ABŞ Maliyyə Nazirliyinin saytında yerləşdirilən məlumatda qeyd edilib.

“ABŞ Maliyyə Nazirliyinin Xarici Aktivlərə Nəzarət İdarəsi (OFAC) kommersiya gəmiçiliyinə qarşı terror hücumlarını dəstəklədikləri üçün husilərin əsas rəsmilərinə sanksiya tətbiq edib”, - məlumatda bildirilib.

Siyahıya Məhəmməd əl-Atifi, Məhəmməd Fadl Əbd əl-Nabi, Məhəmməd Əli əl-Qadiri və Məhəmməd Əhməd əl-Talibi daxil edilib.

Bundan əvvəl Yəmənin "Ənsar Allah" hərəkatı Ədən körfəzində ABŞ-yə məxsus hərbi gəmiyə birbaşa zərbə endirdiyini açıqlayıb. Husilərin sözçüsü Yəhya Saria qeyd edib ki, Yəmən silahlı qüvvələri iki saatdan çox davam edən qarşıdurmalarda çoxlu sayda ballistik raketlərdən istifadə edib.

Əzizə