Rusiyanın məşhur aktyoru Anatoli Rudenko Moskvanın mərkəzində narkotiklə saxlanılıb.

Sfera.az bildirir ki, polis əməkdaşları aktyorun olduğu taksini saxlayıblar. İddialara görə, aktyor özünü şübhəli aparıb, bu səbəbdən hüquq-mühafizə orqanları onu yoxlamaq qərarına gəlib. Onun alt paltarında ağ maddə olan bağlama aşkarlanıb.

"Sənətçi qasıq nahiyəsinə bağlama yapışdırıb. Bağlamanın içərisində 0,57 q mefedron aşkarlanıb. O, polis şöbəsinə aparılıb. Aktyor bağlamanı küçədən tapdığını və onu it zəhərilə səhv saldığını deyib. Sonra bunun əslində nə olduğunu söyləsələr də, o, tapdıqlarını atmaq istəməyib. Buna baxmayaraq, o "mef" satmaq niyyətində də olmayıb”.

İstintaqı aparılan aktyoru 3 ilə qədər həbs gözləyir. Rudenkoya qarşı Rusiya Federasiyası Cinayət Məcəlləsinin 228-ci maddəsi - "Narkotik vasitələrin satışı məqsədi olmadan qanunsuz saxlama" maddəsi üzrə cinayət işi açılıb.

Anatoli Rudenkonun anası hadisə ilə bağlı açıqlama verib.

O: "Oğlumu heç vaxt sərxoş görməmişəm, narkotikdən söhbət gedə bilməz. Bizim ailəmiz nöqsansız reputasiyaya malikdir"-deyib.

O, Anatoli Rudenkonun başına gələnləri tamamilə qurma adlandırıb.

Aynil

Sfera.az