Kolumbiyada tələfatla nəticələnən torpaq sürüşməsi - Ölənlərin sayı durmadan artır

Yanvarın 13-ü şənbə günü Kolumbiyada (Karmen de Atrato yaxınlığında) torpaq sürüşməsi baş verib. Nəticədə Medellin və Kibdo şəhərlərini birləşdirən yol bağlanıb.

 

Sfera.az xəbər verir ki, sürüşmə nəticəsində ən azı 33 nəfər həlak olub, daha 19 nəfər yaralanıb. Xilasetmə işləri davam edir.
 

Tonlarla torpaq və ağac qalıqları Medellin və Quibdo şəhərlərini birləşdirən yolu bağlayaraq insanları evlərinə sığınmağa məcbur edib. Bundan sonra daha bir sürüşmə baş verib ki, bu zaman insanlar evləri və maşınlarının içərisində “basdırılıb”.
 

Kolumbiya prezidenti Qustavo Preto zərər çəkmiş bölgəyə hər cür kömək göstəriləcəyini bildirib.
 

Sürüşmədən sağ çıxan bir kişi jurnalistlərə bildirib ki, əksəriyyəti uşaqlı qadınlardan ibarət 60-a yaxın adam evlərdən birinə toplaşıb. Lakin sonra bir neçə saniyə ərzində torpaq sürüşməsi evi və yaxınlıqdakı avtomobilləri də aşıraraq, onların hamısını yer üzündən silib.

Vitse-prezident Francia Marques Mina, Choco əyalətində axtarış və xilasetmə əməliyyatlarına yardım agentlikləri, yerli hakimiyyət orqanları, polis və ordunun cəlb edildiyini bildirib.

Qeyd edək ki, Sakit okean sahilindəki Choco əyaləti ərazisi sıx meşələrlə örtülüdür. Cümə və şənbə günləri güclü leysan yağması torpaq sürüşmələrinə səbəb olub.

Choco meri bəzi insanların hələ də dağıntılar altında qaldığını bildirib.

Hazırda Kolumbiyanın digər bölgələrində güclü quraqlıq hökm sürdüyü halda, ölkənin Hidrologiya Meteorologiya və Ətraf Mühitin Tədqiqatları İnstitutu Sakit okean sahilləri boyunca və Amazon tropik meşələrində güclü yağışlar və yaradacağı təhlükələr barədə əvvəlcədən xəbərdarlıq edir.

Aynil