Bir neçə gün öncə İslandiyanın şimal-şərqində püskürən vulkan, ötən gün İslandiyanın Qrindavik şəhərinin şimalında yenidən püskürüb. Bir gün əvvəl bir sıra güclü, kiçik fasilələrlə baş verən zəlzələlər qeydə alınıb.
 

Sfera.az xəbər verir ki, İslandiya hökuməti ötən gecə Qrindavik şəhərini boşaldıb və fövqəladə vəziyyət elan edib.

Təbii fəlakətlər nəticəsində Torbyorn dağının 20 santimetr qərbə doğru irəlilədiyi bildirilir. Vulkanın şəhərin elektrik stansiyasına təsir etməməsi üçün bütün elektrik enerjisi kəsilib.

İslandiya Meteorologiya İdarəsinin son məlumatına görə, lava Qrindavik istiqamətində axır və şəhərin şimal kənarındakı evlərdən 450 metr aralıda yerləşir.

Səlahiyyətlilər isti lava axınlarının şəhər infrastrukturuna, xüsusən də istilik və su təchizatı borularına zərər verə biləcəyindən narahatdırlar.

Bu təxmin, alimlərlə birlikdə püskürmə sahələri üzərində uçan Sahil Mühafizəsi helikopterinin ölçmələrinə əsaslanır. Mülki Müdafiə helikopterdən fotoları sosial şəbəkədə paylaşıb.


İslandiya Meteorologiya İdarəsinin geofiziki Benedikt Ofeigsson deyir ki, lavanın təzyiqi altında yarığın genişlənməsi gözlənilir. Sonra püskürmənin gücü azalacaq, iki və ya üç aktiv krater görünəcək.

"Bu, yəqin ki, püskürmənin baş verməsi üçün ən pis yerlərdən biridir və püskürmə davam edərsə, Qrindaviki tamamilə təhlükə altına qoyur"-deyə vulkanoloq Thorvaldur Thordarson bildirib.
 

Qeyd edək ki, açılan çat 2500 il əvvəl püskürmənin baş verdiyi yerdədir. Mütəxəssislərin fikrincə, bu səhər başlayan püskürmə növbəti on ildən on iki ilə qədər davam edə bilər.


Püskürmə zonasındakı vəziyyət real vaxt rejimində bir neçə müşahidə kameraları tərəfindən izlənilir.

Xatırladaq ki, ötən həftə İslandiyada bir yerli sakin açılan çuxura düşüb. Onun axtarışları davam etsə də, hələlik yeni məlumat əldə edilməyib.


Vulkan zonasında son vəziyyət

Xatırladaq ki, dünyada 45 vulkan oyanıb və püskürməyə başlayır. İslandiyadan İtaliyaya qədər bütün dünyada vulkanik aktivlik müşahidə olunub, bəziləri hadisələrin fəlakətin xəbərçisi ola biləcəyindən ehtiyat edirlər

Aysel

Sfera.az