İslandiyada bir nəfər yerdə açılan çuxura düşərək, itib. İndi axtarış-xilasetmə qrupu bəxtsiz adamı axtarır.

Sfera.az bildirir ki, çuxur İslandiyanın Reykjanes yarımadasındakı son vulkanik fəaliyyət nəticəsində yaranıb. Paytaxt Reykyavikdən cənub-qərbdə yerləşən yarımadada vulkan püskürüb.

Axtarış-xilasetmə əməliyyatında 200-ə yaxın adam iştirak edir. Onlar zamanla yarışırlar, çünki yaxın günlərdə vulkan püskürməsi riski artır.

200-dən çox adamın iştirak etdiyi axtarış-xilasetmə əməliyyatı gecə boyu davam edib, lakin itkin düşən şəxs tapılmayıb.

Bölgənin polis rəisi Ulfar Luviksson jurnalistlərə açıqlamasında:

"Biz tapana qədər onu axtarmağa gəldik"-deyib.

O, çatın nə qədər dərin olduğunun məlum olmadığını və çuxurlara başqa heç kimin düşməməsi üçün axtarış əməliyyatını diqqətlə planlaşdırmaq lazım olduğunu bildirib. Bəzi hesablamalara görə, çuxurun dərinliyi 30 metrdən bir qədər çox ola bilər.

Xilasedicilər növbə ilə xüsusi səbətdə yavaş-yavaş çatlara enirlər.

Ekspertlər isə qeyd edir ki, Noyabrın əvvəlində yerdə təhlükəli buxar buludlarının çıxdığı nəhəng çatlardan sonra bütün Qrindavik şəhəri boşaldılmalı idi. Xoşbəxtlikdən, vulkan püskürməsi nəticəsində yaranan lava axınları yarımadanın yaşayış olmayan ərazisinə yayılıb.
 

Axtarış və xilasetmə qrupları zamana qarşı yarışdığı üçün vəziyyət kritik hala gəlir. İslandiya Meteorologiya İdarəsinin isə verdiyi açıqlamaya görə, yaxın günlərdə təkrar püskürmə riski var.

Aysel

Sfera.az