Britaniyalı rok musiqiçisi Elton Con “Christie's”də 10 milyon dollar dəyərində görkəmli təsviri incəsənət fotoşəkilləri, antikvarlar və sənət əşyalarından ibarət kolleksiyasını hərraca çıxaracaq.
 

Sfera.az bildirir ki, Elton Con və sevgilisi Devid Furniş Atlantadakı evlərini də 7,2 milyon dollara satıblar.

Jurnalistlərin məlumatına görə, Nyu-Yorkdakı “Christie's” hərracında səkkiz ayrı auksiona təxminən 900 sənət əsəri təqdim olunacaq.
 

2023-cü ildə Atlantadakı evini satdıqdan sonra pop ulduz bütün içindəkiləri hərrac yolu ilə satmaq qərarına gəlib. Səkkiz ayrı hərracda dəyəri 10 milyon dollardan çox olan 900-ə yaxın sənət əsərinim təqdim olunacağı gözlənilir.
 

“Bloomberg”də qeyd olunur ki: “Auksiona 1970-ci illərdən müğənninin bir cüt gümüş platformalı çəkmələrindən tutmuş 1990-cı il istehsalı olan ikiqapılı Bentley kabrioletinə (25.000-35.000 dollar) qədər hər şey daxil olacaq.


Agentliyin məlumatına görə, hərracın əhəmiyyətli hissəsini müğənninin kolleksiyasından olan heyrətamiz şəxsi əşyalar tutur. Onların arasında 18 karatlıq qızıldan, brilyantdan və narıncı sapfirdən hazırlanmış “Rolex Daytona” saatı, bəbir siferblat və bilərzik (40-60 min dollar); qonaq otağında dayanan “Yamaha” piano (30-50 min dollar), həmçinin müğənninin canlı üslubunu simvolizə edən müxtəlif əşyalar var.
 

Hərracın əsas komponenti Elton Conun sosial məsələlərə həsr olunmuş böyük kolleksiyasından müxtəlif obyektlərin 360 fotoşəkili olacaq.

Nəzərə alsaq ki, Elton Conun auksionu Freddi Merkurinin Londondakı “Sotheby's”dəki əmlakının olduqca uğurlu satışının ardınca gəlir, ekspertlər artıq iki auksionu müqayisə etməyi gözləyirlər. Bununla belə, “Christie”nin beynəlxalq fotoqrafiya eksperti Darius Himes xəbərdarlıq edir ki, bəziləri üst-üstə düşsə də, iki satış çox fərqlidir.


Qeyd edək ki, hərracın bütün səkkiz mərhələsinin fevralın 21-dən 23-dək keçiriləcəyi nəzərdə tutulub.

Aysel

Sfera.az