Novosibirskdə boruların qırılması səbəbindən -15 dərəcə şaxtada bir neçə rayon istiliksiz qalıb. Bu barədə Astra Telegram-da məlumat yayıb.

Sfera.az bildirir ki, borunun partlaması nəticəsində, 200-ü yaşayış binası olmaqla, ümumilikdə 237 obyekt istiliksiz və susuz qalıb.
Sakinlərə təmir işlərinin axşam saatlarına kimi yekunlaşdırılacağı bildirilib.

Qəza nəticəsində şəhərin bəzi küçələrini isti su basıb. Bildirilir ki, borunun partladığı gecə çöldə havanın temperaturu 25 dərəcə şaxta olub. Şəhərin iki böyük (Leninski və Kirovski) qəsəbəsi başda olmaqla, demək olar ki, tən yarısı istiliksiz qalıb.

Bu ərazilərdə 200-ə yaxın obyektin olduğu, orada yerləşən tibb müəssisələrinin insanların xəstəxanaya yerləşdirilməsini dayandırdığı qeyd edilir.

Novosibirsk Şəhər Şurası ümumilikdə 104 ev və 13 sosial müəssisənin istilik təchizatının dayandırıldığını bildirib.


Həmçinin sıçrayış nəticəsində tramvay yollarını su basıb, bəzi tramvaylar müvəqqəti olaraq marşrut xəttlərini dəyişib.

Qeyd edək ki, bu, Rusiya Federasiyasında bir ay ərzində ən azı 8-ci böyük qəzadır.

Rusiya üçün Yeni 2024-cü il istilik və isti su olmadan, kommunal xətalarla başlayıb. Belə ki, yanvarın 6-da Rusiya KİV-i Moskva vilayətində istilik magistralında baş verən sıçrayış nəticəsində 20 min insanın istilik təchizatından məhrum qaldığını yazmışdı.

Havanın temperaturu -13-15 dərəcəyə çatıb. Vəziyyətlə əlaqəli olaraq, insanlar evlərini tərk etmək məcburiyyətində qalırlar.


Eyni zamanda, hərbçilərin müalicə olunduğu sanatoriyada da istilik yoxdur. Könüllülər sanatoriyaya qızdırıcılar alırlar, palatalarda havanın temperaturu -10 dərəcədir.

Aynil
Sfera.az