Tokio hava limanında təyyarə yanıb. İçərisində 400 sərnişinin olduğu təyyarə məcburi eniş edib.
 

Sfera.az bildirir ki, xilasedicilər tamamilə alova bürünmüş təyyarədən sərnişinləri və ekipaj üzvlərini çıxarıblar. Digər təyyarənin bəzi ekipaj üzvləri itkin düşmüş hesab olunur.

Pilotlar yerə enməyə müvəffəq olub, xüsusi təyinatlılar yanğını söndürməyə və insanları xilas etməyə başlayıblar.

Tokionun Haneda hava limanında fövqəladə vəziyyətlə bağlı ilk məlumat Bakı vaxtı ilə saat 12:16-da dərc edilib. Yaponiya Hava Yollarına məxsus 516 saylı reysi yanıb. Təyyarə daxili reysdə olub. “Airbus A350” təyyarəsi Tokionun Hokaido adasından (Chitose hava limanı) havaya qalxıb.

İlkin məlumatlara görə, eniş zamanı sahil mühafizə təyyarəsi ilə toqquşma baş verib.

Şahidlərin çəkdiyi videoda eniş anını görmək olar. Təyyarə enmə zolağına doğru irəliləyir, aşağı hissəsi isə yanğına qərq olub.

Fərqli bucaqdan çəkilmiş kadrlarda təyyarənin zədələnmiş quyruğunun qırıq olduğu görünür. Xilasedicilər alovu söndürmək üçün təyyarənin üzərinə su tökürlər.

Yanğının təyyarəni tamamilə əhatə etdiyi məlumatlar da xəbərlər arasındadır. Xüsusilə də sərnişinlərin oturduğu salonda alovlar görünür.

“Japan Airlines” sözçüsü təyyarədən 379 sərnişin və ekipajın təxliyə edildiyini bildirib. Yaralıların olub-olmadığı hələlik məlum deyil. Bu arada “Sky News” sahil mühafizə təyyarəsinin ekipajının taleyi barədə məlumat yayıb. Onlar altı ekipaj üzvündən beşinin itkin düşmüş hesab edildiyini bildirdilər.

Aysel

Sfera.az