Dünya üzrə cəmi 43 insanda rast gəlinən \"Qızıl Qan Qrupu\" nədir?
“Qızıl Qan” dünyada cəmi 43 insanda rast gəlinən son dərəcə nadir qan qrupudur. Bu qan qrupu sahibləri üçün saysız-hesabsız çətinliklər deməkdir. Bu xüsusi qan qrupu olan insanlar tibbi müalicələrdə müstəsna rol oynasalar da, özlərinə uyğun qan tapmaqda ciddi çətinliklərlə üzləşə bilərlər.
Sfera.az bildirir ki, "Qızıl Qan Qrupu" olaraq bilinən "Rh-null" qan qrupu, qırmızı qan hüceyrələrində Rh antigen zülalları olmayan olduqca nadir bir qan qrupudur.
Dünyada cəmi 43 nəfərdə aşkar edilən bu qan qrupu ilk dəfə Avstraliya aborigenləri arasında görülüb.
Bu qan qrupunun nadirliyi o deməkdir ki, Rh null ianələri son dərəcə məhduddur və onu əldə etmək çətindir.
Rh null insanlar qan ehtiyacı olduğu halda dünya üzrə yalnız doqquz aktiv donordan ibarət kiçik donor şəbəkəsindən asılıdır, bu da onu dünyanın ən qiymətli qan qrupu edir və məhz bu səbəbdən “Qızıl Qan Qrupu” adlanır.
"Qızıl Qan Qrupu"nun ortaya çıxması adətən Rh ilə əlaqəli genlərdəki mutasiyalar nəticəsində baş verir.
Qızıl qan qrupu riskini artıran faktorlara qohum evliliyi, dominant genlər, genlərdəki dəyişikliklər və ya silinmələr daxildir.
Bu qan qrupu olan insanlar yüngül və ya orta dərəcədə anemiya, anormal qırmızı hüceyrə örtüyü, Rh antigeninin olmaması səbəbindən artan kövrəklik və qan hüceyrələrinin həcmində dəyişikliklərlə qarşılaşa bilər.
Bu şəxslər qanköçürmə zamanı Rh antigenlərinə məruz qaldıqda ciddi reaksiyalarla qarşılaşa bilərlər.
Hamiləlik dövründə anada Rh fərqi varsa və körpənin qan qrupu Rh müsbətdirsə, ananın qanı körpənin müsbət qanı ilə həssaslaşa və gələcək hamiləlik üçün risk yarada biləcək anticisimlər istehsal edə bilər.
Bundan əlavə, bu insanlar hər hansı infeksiyadan sonra böyrək çatışmazlığı və ya digər pozğunluqlarla da üzləşə bilərlər.
Aysel
Sfera.az
