“Kreml Paşinyanın yerinə namizəd tapa bilmir”.

Sfera.az bildirir ki, bunu politoloq Elxan Şahinoğlu deyib. Onun sözlərinə görə, Robert Köçəryan və Serj Sarkisyan artıq bu rola yaramırlar:

“Onların ermənilər arasında nüfuzları qalmayıb. Digər müxalifət təmsilçilərin də cəmiyyətdə dəstəyi yoxdur. ABŞ və Avropa İttifaqı Paşinyanın simasında tərəfdaş qazansalar da, Ermənistanda vəziyyətin gərginləşəcəyi halda, alternativ barədə düşünmək məcburiyyətindədirlər. Yəni Vaşinqton və Brüssel Paşinyanın bu və ya digər səbəbdən hakimiyyətdən uzaqlaşacağı və ya uzaqlaşdırılacağı halda, ona əvəz tapmalıdır”.

Ekspert tərəflərin axtarışında olduğu, Paşinyanı əvəz edə biləcək namizədin mümkün kriteriyalarından da söz açıb:

“Bu,  elə bir siyasətçi olmalıdır ki, Paşinyan kimi Qərblə tərəfdaşlığı davam etdirsin; Rusiya ilə məsafə saxlasın. Fikrimcə, Nikol Paşinyana gələcəkdə alternativ ola biləcək siyasətçi parlamentin hazırki sədri Alen Simonyandır. O,  həm Qərblə sıx tərəfdaşlığı dəstəkləyir, həm də Rusiyanın qatı tənqidçilərindədir”.

Günay