Avstraliyalı Kreyq Hill oktyabrda 55 min avrodan çox pul qazansa da, pulun yarısını qaytarmalı olacaq. Belə ki, təqaüdçü olan Kreyq gələn ildən ayda 3,5 min avro məbləğində müavinət artımına ümid edirdi. Lakin işlər onun gözlədiyi kimi getməyib, hər şey bir anda dəyişib.
 

Sfera.az bildirir ki, yerli rifah xidməti “Centrelink” lotereya qalibini peşəkar qumarbaz kimi siyahıya alıb. Aylıq ödənilməli olan pul mükafatı indi lotereya uduşu deyil, gəlir kimi qəbul edilir.

Bu səbəbdən onun sosial təminat müavinəti iki həftə ərzində 460 avro ekvivalentinə endirilib, eyni şey xəstə həyat yoldaşına qulluq üçün ödənişlərə də şamil edilib. Nəticədə ailənin aylıq gəliri 1700 avrodan çox azalıb. Bu, ildə 20.000-dən çoxdur.


"Əgər mən birdəfəlik 55.000 qazansaydım, bu, dairəvi məbləğ olardı. Amma mükafatı aylıq aldığım üçün, qumardan gələn gəlir hesab olunacaq"- deyə keçmiş ingilis dili müəllimi izah edib.
 

Lotereya qalibi bir lotereya uduşunun uduş, digərinin isə gəlir hesab edilməsi ilə razılaşmır.
 

Kreyq keçmiş həbsxana işçisidir. 2019-cu ildə məhkumlarla işləmək nəticəsində yaranan travma sonrası stress pozğunluğu səbəbindən İslah Mərkəzindəki işindən ayrılıb. Hökumət ona aylıq təqaüd təyin etsə də, lotereyada qalib olduğu üçün qazandığı puldan çoxunu itirəcək.

Aynil

Sfera.az