Praqa meri Bohuslav Svoboda bildirib ki, hücum edən şəxs hündürlükdən tullanıb. Onun kimliyi və motivləri məlum deyil.
 

Sfera.az xarici KİV-ə istinadən xəbər verir ki, atışma nəticəsində 15 nəfər ölüb, 25 nəfər yaralanıb.

Hücum edən şəxs yerli vaxtla saat 15 radələrində şəhərin köhnə hissəsində (mərkəz), Yan Palaç meydanında, Çarlz Universitetinin fəlsəfə fakültəsinin binasına atəş açıb. Polis meydanı və universitet binasına bitişik ərazini mühasirəyə alıb. Bəzi mənbələrə görə, atəş açan şəxs hüquq-mühafizə orqanlarının əməkdaşları tərəfindən öldürülüb. Praqa meri Bohuslav Svoboda isə bildirib ki, hücum edən şəxs hündürlükdən tullanıb. Onun kimliyi və hadisənin motivləri məlum deyil.
 

Bəzi tələbələr damda gizlənməli olub, bəziləri sinif otaqlarında barrikada quraraq evakuasiyanı gözləyiblər.


İlkin məlumata görə, 10 nəfər ölüb. 9 nəfər ağır, daha 16 nəfər isə müxtəlif dərəcəli bədən xəsarətləri alıb.

Çarlz Universitetinin rəhbərliyi tərəfindən əməkdaşlara və tələbələrə müvafiq göstərişlər göndərilib.
 

“Heç yerə çıxmayın, ofislərdəsinizsə, qapıları bağlayın və mebelləri qapının önünə qoyun, işıqları söndürün”- məktubda deyilir.


Sosial şəbəkələrdə də hadisələrin baş verdiyi yerdən videolar yayımlanır. Videolarda insanların Çarlz körpüsü boyunca atışmadan qaçdıqları görünür.
 

Hadisə ilə əlaqədar Çexiyanın Baş naziri Petr Fialanın ölkənin şərqinə səfərinin ləğv edilərək, Praqaya getdiyi bildirilib.
 

Qeyd edək ki, Çexiyada silahla bağlı cinayətlər nisbətən nadirdir. 2019-cu ilin dekabrında 42 yaşlı silahlı şəxs Çexiyanın şərqindəki Ostrava şəhərində xəstəxananın gözləmə zalında 6 nəfəri öldürərək, daha sonra özünü güllələyib. 2015-ci ildə bir şəxs Uhersky Brodda restoranda səkkiz nəfəri güllələyərək, özü də intihar edib.

Aynil

Sfera.az