Xəbər verdiyimiz kimi, 78 yaşlı britaniyalı milyonçu və keçmiş diplomat Kolin Armstronq qaçırılmışdı.

Sfera.az bildirir ki, Kolin Armstronq qaçırıldığı yerdən çox da uzaq olmayan Manabi yaxınlığındakı yolda tapılıb. Bu barədə Ekvador polisi məlumat verib. Armstronqun qaçırılmasının arxasında da çox güman ki, “Los Tiguerones” dayanır. Qeyd edək ki, bu dəstə üzvləri özlərinə beretlərdə pələng döymələri vuran cinayətkar dəstə kimi tanınır.
 

Dəstə həmçinin Meksikanın Jalisco Yeni Nəsil Karteli (CJNG) ilə də əlaqələndirilir ki, bu kartel sözün əsl mənasında düşmənlərinin ürəyini yeməklə ad çıxarıb.
 

İstintaqın ilkin versiyasına görə, Armstronq qaçırılıb və ondan guya aylıq müdafiə haqqını ödəməkdən imtina etdiyi üçün girov tələb edilib.
 

“Hazırda oğurluğun ən çox ehtimal olunan səbəbi budur” deyə adı açıqlanmayan mənbə jurnalistlərə bildirib.
 

Polis 9 şübhəlinin həbs olunduğunu təsdiqləyib. Onların heç biri rəsmi olaraq “Los Tiguerones”ə aid olduqlarını etiraf etməyib.
 

Cinayət işi ilə bağlı istintaq davam edir.
 

Xatırladaq ki, Böyük Britaniyanın keçmiş fəxri konsulu Kolin Armstronq dekabrın 16-da səhər saatlarında qaçırılmışdı. Onunla birlikdə gənc sevgilisi Paola Santos da olub, lakin qadın tezliklə sərbəst buraxılıb.

Aynil

Sfera.az