Bir nəfər təyyarəyə minməyə cəmi 90 dəqiqə qalmış uçuş üçün qeydiyyatdan keçib. Bu, “Ryanair” aviaşirkət nümayəndəsini əsəbləşdirib.
 

Sfera.az bildirir ki, sərnişinin çamadanına qoyduğu ədəbsiz mesaja görə hava limanının işçisi işdən çıxarılıb.
 

Sərnişin Mario Lukasın İngiltərədən Kiprə vətənə döndüyü bildirilir. Müəyyən səbəblərə görə, şəxs təyyarəyə minməyə cəmi 90 dəqiqə qalmış uçuş üçün qeydiyyatdan keçib. Bu, “Ryanair” aviaşirkətinin nümayəndəsini qəzəbləndirib və o, Lukasın baqajında ​​təhqiredici yazı qoyub: “... , bu qədər gec qeydiyyatdan keçməyi dayandırın”.
 

Bu çamadanı yeddi yaşlı oğlu üçün alan əsəbi kişi xatırlayır: "Kiprə çatanda baqajımızı götürməyə getdik. Yazı həmin dəqiqə həyat yoldaşım Serenanın diqqətini çəkdi".


Onlar izahat almaq üçün dərhal “Ryanair” ilə əlaqə saxlayıblar. İrlandiyanın aşağı büdcəli aviaşirkətinin nümayəndələri işçilərinin hərəkətinin qəbuledilməz olduğunu bildirərək, iş prinsiplərinin hər hansı təhqiramiz davranış təzahürlərinə sıfır tolerantlığa əsaslandığını bildiriblər.

Bu hadisəyə görə məsuliyyət daşıyan şəxsin işdən çıxarıldığı bildirilib. Aviaşirkət onun günahının sübutunu tapıb.
 

Qeyd edək ki, “Ryanair”, baş ofisi Dublində yerləşən Avropanın ən böyük aşağı büdcəli aviaşirkətidir. Şirkət, 1984-cü ildə milyonçu Tony Ryan (1936-2007) tərəfindən Waterford və Gatwick arasında gündəlik uçuşlar həyata keçirən sırf regional xidmət kimi təsis edilib. 1997-ci ildən etibarən, o, kontinental Avropaya qədər genişlənib. 2017-ci ilin avqustunda aşağı büdcəli aviaşirkət milyardıncı sərnişinini daşıdığını elan edib.

Aysel

Sfera.az