Bəy toy günü gəlinə \"yox\" dedi

33 yaşlı öküz döyüşçüsü Xuan Orteqa öz toyuna gəlməyərək qohumlarını və dostlarını şoka salıb.
 

Sfera.az bildirir ki, qalmaqaldan sonra gəlin evə gedərək sosial şəbəkələrdəki bütün hesabları silib. Ailəsi onun mənəvi cəhətdən məhv olduğunu deyir.
 

Toy ötən şənbə, dekabrın 2-də İspaniyanın cənubundakı Xeres de la Fronterada baş tutmalı idi. Şənliyə 500-ə yaxın insan dəvət olunub. Bəy gəlinə zəng edərək, ona "yox" deyib. Hər şey tam hazır vəziyyətdə, qonaqlar kilsənin qarşısında dayanaraq nigah mərasimini gözləyiblər. Bu zaman WhatsApp vasitəsilə mərasimin ləğv edildiyi barədə mesaj gəlib.
 

Gəlin, 33 yaşlı kardioloq Karmen Otte, sevdiyi adamın hərəkətindən şoka düşüb. Qalmaqaldan sonra qadın evə gedərək bütün sosial media hesablarını silib.

Gəlinin atası bəydən toy mərasiminin təşkili və keçirilməsi xərclərini ödəməyi tələb edəcəyini bildirib. O, ironiyasız olaraq əlavə edib ki, öküzdən qorxmayan öküz döyüşçüsü evlənməkdən qorxur.
 

Qaçaq kürəkən özü indi Sevilyadakı evində, yaxınlarının əhatəsindədir. Heç kimlə ünsiyyət qurmaq istəmir.

Toydan bir neçə həftə əvvəl bəyin yaxınları qəribə bir səhnəyə şahid olub. Kişi birdən-birə qışqırıb: "Mən özümü bu işdə görmürəm! Özümü görmürəm."
 

Ancaq qohumları və Karmenin özü bunun evlilikdən əvvəl tipik bir narahatlıq olduğunu düşünüb.
 

Xuan və Karmen son 10 ildə münasibətdə olub. Xuan hələlik bu hərəkətinə münasibət bildirməyib.

Aynil