Quterreş BMT Təhlükəsizlik Şurasına məktub göndərdi - Qəzzaya görə
![Quterreş BMT Təhlükəsizlik Şurasına məktub göndərdi - Qəzzaya görə](https://sfera.az/photo/orginal/2023/12/07/1701934369_quterres__1_.jpg)
Dünya
11:39 / 07.12.2023
7133
BMT-nin baş katibi Antonio Quterreş Qəzza ilə bağlı səlahiyyətlərindən istifadə edib.
Sfera.az xəbər verir ki, Quterreş Qəzzada humanitar fəlakətin qarşısının alınması üçün Təhlükəsizlik Şurasına məktub göndərib. Baş katibin sözçüsü Stefan Düjarrik gündəlik mətbuat konfransında sözügedən məktubu təqdim edib:
“Qəzzada mülki əhali böyük təhlükə altındadır. Qəzza insanları qorumaq üçün təhlükəsiz yer deyil və burada səhiyyə sistemi çöküb. Təhlükəsizlik Şurası üzvlərini humanitar fəlakətin qarşısını almaq və humanitar atəşkəs elan edilməsi üçün köməyə çağırıram”.
Quterreş humanitar atəşkəsin Qəzzadakı insanların həyatını xilas edə biləcəyini, yardımların vaxtında və təhlükəsiz şəkildə çatdırıla biləcəyini qeyd edib.
Ülkər Abdurahmanlı