Rusiyalı general-mayor Ukrayna müharibəsində həlak oldu
![Rusiyalı general-mayor Ukrayna müharibəsində həlak oldu](https://sfera.az/photo/orginal/2023/12/04/1701712336_furr.jpg)
Dünya
21:45 / 04.12.2023
7074
Rusiyanın Şimal Donanmasının 14-cü Ordu Korpusunun komandirinin müavini, general-mayor Vladimir Zavadski Ukraynadakı müharibə əməliyyatları zamanı həlak olub.
Bu barədə Voronej vilayətinin qubernatoru Aleksandr Qusev özünün “Telegram” kanalında paylaşım edib.
“Şimal Donanmasının 14-cü Ordu Korpusunun komandirinin müavini general-mayor Vladimir Zavadski müharibə zonasında döyüş postunda həlak olub. 2021-ci ilin avqust ayına qədər o, Voronej vilayətinin sakinlərinin xüsusi rəğbətini qazanmış Qırmızı Bayraqlı 4-cü Qvardiya Kantemirov Tank Diviziyasına komandirlik edib”, - deyə o, paylaşımda qeyd edib.
Qusev, həmçinin Zavadskinin ailəsinə və yaxınlarına başsağlığı verib.