“İsrailliləri öldürmüş əsirləri qaytarmayacağıq, qalanlarını isə...” – Netanyahu ŞƏRT QOYDU
Dünya
11:17 / 23.11.2023
5159
İsrailin Baş naziri Binyamin Netanyahu əsir mübadiləsi razılaşması ilə bağlı açıqlama verib.
Sfera.az-ın məlumatına görə, Netanyahu bu razılaşmanın israilliləri öldürmüş əsirlərə şamil edilməyəcəyini bəyan edib:
“İsrail vətəndaşlarını öldürən fələstinlilər əsirlikdə qalmağa davam edəcək. Biz HƏMAS-ı məhv edənə və bütün girovlarımızı geri qaytarana qədər müharibəyə davam edəcəyik. Qəzza İsrailin gələcək siyasi və hərbi səyləri üçün təhlükə yaratmayacaq. Girovların qaytarılması üçün lazımi şərait yetişib. İnanıram ki, bu vəziyyət həm də növbəti mərhələlərdə daha çox girovun azad edilməsinə imkan verəcək”.
Qeyd edək ki, İsrail həbsxanalarında təxminən yeddi min fələstinli əsir var.
Ülkər Abdurahmanlı