1a:T7e0,

Fransa hökuməti dörd ildən sonra “milli xəzinə”sini ölkəyə qaytarıb.

Sfera.az bildirir ki, bu barədə “Wionews” məlumat yayıb. Qeyd olunub ki, mətbəxdən tapılan 26 milyon dollarlıq əsər Luvr muzeyinə yerləşdirilib. Sözügedən əsər dörd il sonra kolleksiyaya daxil olunub.

Məlumata görə, Florensiyalı rəssam Cimabue tərəfindən yaradılan əsər 2019-cu ildə Kompcene şəhərində yaşlı bir qadının evinin təmizlənməsi zamanı tapılıb. Qadının yunan dini simvolu olduğuna inandığı nadir sənət əsəri onun mətbəxində divardan asılıbmış. O, əsərin haradan gəldiyindən xəbərsiz olduğunu söyləyib. 1280-ci ilə aid olan tablo 2019-cu ilin oktyabrında keçirilən hərracda təxminən 24,2 milyon avroya (26,8 milyon dollar) alınıb.

Fransa hökuməti onun ixracını əngəlləmək üçün tədbirlər görüb və rəsmə “milli xəzinə” statusu verib. Bunun nəticəsində kiçik, amma nadir olan tablo 30 ay ərzində ölkədə saxlanılıb və həmin dövrdə rəsmin alınması üçün hökumət tərəfindən vəsait toplanıb. Fransanın mədəniyyət naziri Rima Əbdül Malak və Luvr Muzeyinin direktoru Laurens des Kars rəsm əsərinin muzey kolleksiyasının bir hissəsi olduğunu elan ediblər.

Nazirlik bildirib ki, florensiyalı rəssamın yalnız 15-ə yaxın əsəri dünyaya məlumdur, buna görə də rəsm əhəmiyyət kəsb edən milli sərvətdir. “Luvr Muzeyinin kolleksiyasında onu daha böyük Cimabue rəsm əsəri “Maestà” müşayiət edəcək və iki əsər 2025-ci ilin yazında keçiriləcək sərginin bir hissəsi olacaq”, deyə qeyd olunub.

Türkan

4:[["$","script",null,{"

Mətbəxdən tapılan 26 milyon dollarlıq əsər Luvr muzeyinə qaytarıldı - FOTO