Rusiya prezidenti Vladimir Putin noyabrın 9-da Qazaxıstana rəsmi səfər edəcək.

Sfera.az bildirir ki, bu barədə Kremlin mətbuat xidməti məlumat yayıb. 

“Qazaxıstan Respublikasının Prezidenti Kasım-Jomart Tokayevlə danışıqlar zamanı iki ölkə arasındakı strateji tərəfdaşlıq və müttəfiqlik münasibətlərinin gələcək inkişafının əsas isqiqamətlərinin, Avrasiya məkanında inteqrasiya birlikləri çərçivəsində qarşılıqlı fəaliyyət perspektivlərinin, o cümlədən aktual regional və beynəlxalq problemlərin müzakirəsi gözlənilir”, deyə bəyanatda vurğulanıb.

Qeyd olunub ki, Putin və Tokayev Rusiya və Qazaxıstanın Kostanayda keçiriləcək XIX Regionlararası Əməkdaşlıq Forumunun videokonfrans vasitəsilə plenar iclasında iştirak edəcəklər.

"Səfər nəticəsində bir sıra mühüm birgə sənədlərin imzalanması gözlənilir. Prezidentlər həmçinin media üçün bəyanatlarla çıxış edəcəklər", - Kremldən bildiriblər.

Günay