Bahalı retro avtomobillər kolleksiyası hərraca çıxarılır - FOTOLAR
Münhendəki “RM Sotheby's” auksionunda köhnə avtomobil kolleksiyası hərraca çıxarılıb.
Sfera.az bildirir ki, auksiona müxtəlif istehsal illərindən olan 12 köhnə avtomobil daxildir. Onların ümumi dəyəri təxminən 2 milyon avrodur. Bu barədə hərrac evinin saytında məlumat verilib.
Kolleksiyadakı avtomobillərin əksəriyyəti alman markasıdır. Onların arasında 4 BMW və 4 Mercedes-Benz var. Bütün maşınlar tam ideal vəziyyətdədir.
BMW 501 300.000 avro dəyərində qiymətləndirilir
Foto:
Ən bahalı avtomobil 1955-ci il istehsalı olan, Baur studiyasının kuzovlu nadir kabriolet BMW 501 avtomobilidir. Bu avtomobillərdən yalnız 37-si yığılıb, ona görə də qiyməti 300.000 avroya çatır.
Kolleksiyadakı ən köhnə model isə 1936-cı il istehsalı olan BMW 316-dır. Bu avtomobilin dəyəri 120-dən 160.000 avroya qədər almağı planlaşdırırlar. Həmçinin 80 at gücündə yarış mühərriki olan BMW 327/28 kupesi də qiymətlidir. Bu avtomobildən cəmi 86 ədədi yığılıb, ona görə də qiyməti 180 min avroya yaxındır.
Bundan əlavə, 50-ci illərdən kupe və kabriolet Mercedes-Benz 220 də auksionda satışa çıxarılıb. Sərt üstlü versiya üçün ilkin qiymətləndirmə 200.000 avroya qədərdir. 1967-ci il istehsalı olan Porsche 911 S Targa eyni məbləğdə, 1951-ci ildə buraxılmış Mercedes 170 S kabriolet isə 180 min avro dəyərində qiymətləndirilib.
Hərraca həmçinin 1986-cı ildə buraxılmış Porsche 911 kabriolet, BMW 3200 CS və Mercedes 280 SE 3.5 idarəedici kupeləri, həmçinin bir cüt Alfa Romeos çıxarılır.
Aysel
Sfera.az
