“İsrail ordusu lazım gələrsə, Qəzzanın cənubundakı əməliyyatları genişləndirəcək”.

Sfera.az bildirir ki, bunu İsrail Müdafiə Nazirliyi mətbuat xidmətinin əməkdaşı Anna Ukolova deyib. O, bu barədə “RİA Novosti”yə danışıb. Qurum rəsmisi qeyd edib ki, İsrail ordusunun əsas diqqəti Qəzza zolağının şimal hissəsindəki əməliyyatlara yönəlib:

“Lakin hərbi əməliyyatlar anklavın digər ərazilərinə də keçə bilər”.

Ukolova həmçinin qeyd edib ki, HƏMAS təkcə Qəzza zolağının şimalında deyil: “Cənubda da mülki hədəflərin istifadəsindən xəbərdarıq. Hərbçilərimiz HƏMAS infrastrukturunun məhv edilməsi və girovların qaytarılması kimi məqsədlərə çatmaq üçün mümkün olan hər şeyi edəcək”.

Müdafiə nazirliyinin əməkdaşı HƏMAS-ı “güclü düşmən” adlandırıb və qeyd edib ki, quru bölmələri tədricən anklavın dərinliyinə doğru irəliləyir. Onun sözlərinə görə, hazırda anklavda hava və dəniz qüvvələri tərəfindən dəstəklənən piyada briqadaları, zirehli və mühəndis qoşunları fəaliyyət göstərir.

“Bu gün ordu maksimum döyüş hazırlığı vəziyyətindədir. 360 min nəfər ehtiyata çağırılıb. Quru əməliyyatında həm çağırışçı, həm də ehtiyatda olan hərbçi iştirak edir”, - Ukolova əlavə edib.

Günay