İsrail ordusu Qəzzada əməliyyatları genişləndirir: Əsgərlər HƏMAS-ın tunellərinə girdi

Qəzza zolağında quru əməliyyatlarını genişləndirən İsrail Qəzzada "müharibənin gizli cəbhəsi" olaraq xarakterizə edilən yeraltı tunellərə daxil olub.

Sfera.az xəbər verir ki, İsrail ordusu tunellərdə HƏMAS yaraqlıları ilə toqquşur. 

İsrail ordusu ilə HƏMAS arasında birbaşa toqquşmalar artır. İsrailin Baş naziri Binyamin Netanyahu Qəzza zolağında baş verən humanitar böhranın aradan qaldırılması üçün qarşıdurmaların dayandırılması çağırışlarını qəbul etməsə də, İsrail ordusu Qəzzada geniş tunel şəbəkəsində silahlılarla toqquşub. 

Üç həftə əvvəl İsraildə eyni vaxtda reydlər keçirən HƏMAS-ı məhv etmək üçün Qəzzada quru əməliyyatını genişləndirən İsrail üçün tunellərə qarşı əməliyyat böyük əhəmiyyət kəsb edir. Oktyabrın 7-də HƏMAS-ın terror hücumu zamanı girov götürdüyü 239 nəfərin əksəriyyətinin tunellərdə saxlanıldığı düşünülür. 

Vasif