Ancelina Coli İsrail və Fələstin arasındakı münaqişəni şərh etdi
Amerikalı aktrisa Ancelina Coli İsraillə Həmas arasında gedən müharibəni şərh edib.
Sfera.az bildirir ki, ulduz fikirlərini və mövqeyini İnstaqramda 14 milyondan çox abunəçisi ilə bölüşüb.
“Dünyadakı milyonlarla insan kimi, mən də son həftələri İsraildəki terror hücumundan, bu qədər günahsız mülki insanın itkisindən sarsıntı keçirdim və necə kömək edəcəyim barədə düşünürdüm”.
"Mən həmçinin hər bir girovun dərhal sağ-salamat qayıtması üçün və əzizləri öldürülən ailələrin dərdinə şərikəm" -deyə aktrisa yazıb.
Bununla belə, məşhur Qəzza zolağında mülki insanları qorumaq üçün də ayağa qalxıb. O, həm İsrail, həm də Fələstinlilərin həyatının bərabər dəyərə malik olduğunu vurğulayıb.
“İsraildə baş verənlər terror aktıdır, lakin bu, Qəzzada gedəcək yeri, yeməyi və suyu olmayan, təxliyyə imkanları olmayan, bombalanma zamanı həlak olan günahsız insanların yaşadıqlarına haqq qazandıra bilməz” - yazıb və qurbanlara kömək etmək üçün bir link paylaşıb.
Aysel
Sfera.az