ABŞ prezidenti Co Bayden İsrailin baş naziri Benyamin Netanyahu ilə telefon danışığı aparıb.

Sfera.az bildirir ki, Ağ Ev sözügedən danışıqla bağlı yazılı açıqlama verib.

“Liderlər Qəzzada baş verənləri dəyərləndirib. Prezident bir daha qeyd edib ki, İsrail öz vətəndaşlarını terrordan qorumaq üçün hər cür hüquq və məsuliyyət daşıyır. O, bunu mülki şəxslərin müdafiəsini prioritet hesab edən beynəlxalq humanitar hüquqa uyğun şəkildə etməlidir”, deyə mətndə qeyd olunub.

Bəyanatda Bayden və Netanyahunun Qəzza zolağında saxlanılan amerikalı girovları da müzakirə etdiyi bildirilib. “Prezident Qəzzada mülki əhalinin ehtiyaclarını ödəmək üçün humanitar yardımın dərhal və əhəmiyyətli dərəcədə artırılmasının vacibliyini vurğulayıb. Ölkə başçıları həm birbaşa, həm də müvafiq milli təhlükəsizlik qrupları vasitəsilə müntəzəm məsləhətləşmələr aparmaq barədə razılığa gəliblər”.

Günay