“Harry-Potter” müəllifi girov götürülən 12 yaşlı fanatına dəstək nümayiş etdirdi

“Harry Potter” kitablar seriyasının müəllifi hazırda Qəzza zolağında terrorçuların əsirliyində olan autizmli 12 yaşlı Noya Danın fotosunu paylaşıb.

Sfera.az bildirir ki, “Harry Potter”in müəllifi Joan Rowling (Coan Roulinq) İsraili açıq şəkildə dəstəkləyir.

C.K.Roulinqin paylaşdığı fotoda israilli pərəstişkarı “Harry Potter” kitab seriyasından olan kostyumda əlində İbranicə kitab və sehrli çubuqla şəkil çəkdirib.
 

"Uşaqların oğurlanması dəhşətlidir və tamamilə əsassızdır. Məlum səbəblərdən bu görüntü məni şoka saldı. Qoy Nuh və HƏMAS-ın götürdüyü bütün digər girovlar tezliklə ailələrinə qayıtsınlar"- deyə o, bildirib.


Qeyd edək ki, “Harry Potter” haqqında kitabların müəllifi 2023-cü il oktyabrın 7-də Həmas yaraqlılarının hücumundan sonra üçüncü dəfə İsrail xalqına dəstək ifadə edib.
 

İsrail hökumətinin rəsmi hesabı britaniyalı yazıçınım dəstəyinə cavab verib.
 

"Nuhun hekayəsini paylaşdığınız üçün təşəkkür edirik, JK Rowling”.
 

Qeyd edək ki, İsrail hökuməti Gigi Hadidin Fələstinə dəstək yazısına cavab verib.

HƏMAS-ın İsrailə hücumundan sonra model Gigi Hadid münaqişənin hər iki tərəfindəki mülki qurbanları dəstəkləyib.


28 yaşlı amerikalı supermodelin Fələstinə dəstək yazısı dərc etdikdən sonra İsrail hökumətinin reaksiyası ilə üzləşib.
 

Bir gün əvvəl atası (Məhəmməd Hadid) fələstinli olan ulduz İnstaqram səhifəsində yazıb: “İsrail hökumətinin fələstinlilərə münasibətində yəhudi heç nə yoxdur”.
 

"İsrail hökumətini qınamaq antisemitizm deyil və fələstinliləri dəstəkləmək HƏMAS-ı dəstəkləmək demək deyil"- deyə Hadid əlavə edib.

Ancaq İsrail Dövlətinin rəsmi hesabı Fələstin mənşəli modelin paylaşımına cavab verub.
 

“Həmas-ın israilliləri qətlə yetirməsində cəsarətli heç nə yoxdur” deyə yazıblar. HƏMAS-ı (İŞİD) olduqlarına görə qınamaq Fələstin əleyhinə deyil və israillilərin barbar terrorçulara qarşı cavablarına dəstək vermək düzgün addımdır”.
 

İsrailin rəsmi hesabı daha sonra amerikalı modelə birbaşa sual ünvanlayıb: "@gigihadid keçən həftə yatmısan?"
 

"Yoxsa siz yəhudi körpələrinin öz evlərində öldürülməsinə göz yummağı bacarırsınız? Susmağınız sizin mövqeyinizi çox açıq şəkildə göstərir."


İsrail hökuməti qanlı uşaq otağının fotosunu da dərc edərək əlavə edib: "Əgər bunu qınamırsınızsa, sözləriniz heç bir məna daşımır".


Gigi Hadid öz növbəsində ötən həftə 1400-dən çox israillinin ölümünə səbəb olan hücumlardan sonra günahsız insanların terrorunu pisləyib.
Xatırladaq ki, Roma Papasının nümayəndəsi də özünü HƏMAS silahlıları tərəfindən əsir götürülmüş uşaqlarla dəyişməyi təklif edib.

Xanım

Sfera.az