Putin Çinlə danışıqlar aparacaq - Masada nələr var?
Rusiya prezidenti Vladimir Putin Pekinə iki günlük səfərə gəlib.
Sfera.az “TASS”a istinadən bildirir ki, səfər Çin prezidenti Si Cinpinin dəvətindən sonra baş tutub. Rusiya liderinin Pekində iki gün - oktyabrın 17 və 18-də olacağı bildirilib.
“Rusiya prezidentinin iş qrafiki çox gərgindir. Putin səfərinin ilk gününü əsasən “Bir kəmər - bir yol” Üçüncü Beynəlxalq Forumunda iştirak edən həmkarları ilə ikitərəfli görüşlərə həsr edəcək. Bundan əlavə, Rusiya lideri çərşənbə axşamı Çinin sədri Si Cinpin və xanımı Penq Liyuan, “Bir kəmər, bir yol” forumunda iştirak edən nümayəndə heyətlərinin rəhbərləri ilə rəsmi görüş mərasimində iştirak edəcək. Forumun əsas tədbirləri oktyabrın 18-də Tiananmen meydanındakı Böyük Xalq Zalında baş tutacaq. Onun açılış mərasimində Putin iştirak edəcək”.
Məlumata görə, sabah Rusiya-Çin danışıqları baş tutacaq: “Bundan sonra Putin forum çərçivəsində bir sıra ikitərəfli görüşləri davam etdirəcək. O, Çinə səfərinin sonunda rusiyalı jurnalistlərlə görüşəcək və səfərin yekunları barədə danışacaq”.
Günay
