“Sevastopola hücumda bu dövlətlərin əli var, zərrə qədər də şübhə etmirik” – Mariya Zaxarova
Rusiya Xarici İşlər Nazirliyinin sözçüsü Mariya Zaxarova sentyabrın 22-də Sevastopola edilən hücuma görə Qərbi ittiham edib.
Sfera.az bildirir ki, Zaxarova sözügedən əməliyyatda ABŞ və Böyük Britaniyanın əli olduğunu söyləyib.
“Bu hücumun Qərbin kəşfiyyat vasitələri, NATO peyk avadanlığı, təyyarələri ilə əvvəlcədən planlaşdırıldığına, o cümlədən ABŞ və Britaniya kəşfiyyat orqanlarının təhriki və sıx koordinasiyası ilə həyata keçirildiyinə zərrə qədər şübhə yoxdur”, - deyə o, əlavə edib.
Xatırladaq ki, ilhaq edilmiş Sevastopolda Qara Dəniz Donanmasının qərargahının binası sentyabrın 22-də raket zərbəsinə məruz qalıb. Şəhərin Rusiya tərəfindən təyin edilmiş meri Mixail Razvozjayev bildirib ki, hücumun arxasında Ukrayna Silahlı Qüvvələri dayanıb.
Günay
