Tramp 700 illik həbs cəzası ala bilər
ABŞ məhkəməsi ölkənin keçmiş prezidenti Donald Trampı dələduzluqda təqsirləndirib.
Sfera.az bildirir ki, bu barədə "Reuters" məlumat yayıb.
Agentliyin məlumatına görə, hakim Artur Enqoron Nyu York Baş Prokurorunun Trampı öz aktivlərini və kapitalını qanunsuz olaraq şişirtməkdə ittiham edən iddiasını rədd etməkdən imtina edib.
O, Trampın və təşkilatının saxtakarlığa görə məsuliyyət daşıdığına dair qərar qəbul edib. Hazırda Trampı 20 il həbslə nəticələnə biləcək dörd cinayət işi üzrə ittiham gözləyir. Siyasətçi bütün ittihamlar üzrə 700 ildən çox həbs cəzasına məhkum edilə bilər.
Bundan əvvəl Tramp bəyan etmişdi ki, 2024-cü il seçkilərində qalib gəlsə, ölkənin daxili problemlərinin çoxunu bir ilə müddətində həll etməyə qadirdir.
O, həmçinin etiraf edib ki, ona bütün ittihamlar üzrə cinayət işini ləğv etmək qarşılığında prezidentlik yarışını tərk etməsi və siyasətdən getməsi təklif oluna bilər.
Əzizə
