Almaniyada müəllim sağçı ekstremist Putinyönlü YouTube kanalı Compact TV-nin aparıcısı işləyib. O, özünün Elina adını Anna Şnayderə dəyişərək, tanınmamaq üçün parik və eynək taxıb.


Sfera.az bildirir ki, gənc qadın ifrat sağçı kanal vasitəsilə vaxtaşırı rus təbliğatını və sui-qəsd nəzəriyyələrini yayır, vətəndaşları hökumətə, müsəlmanlara və yəhudilərə qarşı qızışdırıb.

Lakin, qadının maskalanması da kömək etməyib. O, bu cür “dərsdənkənar iş” ucbatından ifşa olunaraq, müəllimlikdən qovulub.


Bu yaxınlarda Almaniyanın “Tagesspiegel” qəzeti “Compact TV”də Anna Şnayder adı ilə proqrama aparıcılıq edən müəllim Elisa V. haqqında araşdırma dərc edib. Müəllimə daim, “yəhudi sui-qəsdi” və masonların fəaliyyətindən danışıb. Ömür boyu xəyal etdiyi işə keçdiyini deyən qadın, sağçı ekstremistlərin və ifrat sağçı Almaniya üçün Alternativ partiyasının nümayəndələrinin tədbirlərində iştirak edib.

O, sonuncu dəfə aparıcı kimi yanvarın sonunda TV-də çıxış edib.

Əks-kəşfiyyat orqanı olan Brandenburq Konstitusiyasının Mühafizəsi İdarəsi bildirib ki, Şnayderin işlədiyi YouTube kanalı “Compact TV” sui-qəsd nəzəriyyələrini yayır və hökumətin devrilməsini təbliğ edir.
 

Xatırladaq ki, İtaliyada bir müəllim Çioqqiyadakı bir məktəbdə 24 illik işdən 20 ilini buradığı üçün işdən qovulmuşdu. Orta məktəb müəllimi 10 il üzrlü səbəb olmadan işdən kənarda qalıb, 14 il isə xəstəlik məzuniyyətində olub.
 

Aysel

Sfera.az