Namibiyada fili yaxın məsafədən vuran ovçu heyvan sürüsü ona yaxınlaşmağa başlayanda dönüb və qaçmağa başlayıb.

Sfera.az bildirir ki, kadrlarda bir adamın gənc və yaşlı fil sürüsü keçərkən onları nişan aldığı görünür. Başqa bir ovçunun “Gözlərinin arasından nişan al” deməsi eşidilir. Adam atəş açır və heyvanı iki dəfə vurur. Bundan sonra üçüncü dəfə vurulur və fil yerə yıxılır. Lakin ölmək üzrə olan heyvan yıxılan kimi sürüdən bir neçə fil dönüb ovçuya tərəf qaçmağa başlayıb.

Videoda fillərin sürülərindən birini öldürən adama hücumu əks olunub. Böyük ovçu Korne Krugerin dediyinə görə, video bir neçə il əvvəl Namibiyadakı Nakabolelva qoruğunda lentə alınıb.

"Ərazidə kiçik bir fil kvotası var və biz ildə cəmi iki fil ovlayırıq. Biz 12 yerli insanı işə götürürük, bəziləri isə ovçu kimi işləyir".

“Omujeve Hunting Safaris”in sahibi Kruger, ovun yaxınlıqdakı icmalara maddi fayda verdiyini bildirib.

"Vəsaitlər təbiətin qorunmasına və brakonyerliyə qarşı mübarizə bölmələrinin maliyyələşdirilməsinə yönəldilir"-deyə Kruger bildirib.

Təkcə Cənubi Afrikanın Kruger Milli Parkında 2018-ci il yanvarın 1-dən avqustun 31-dək 58 fil öldürülüb.

Qeyd edək ki, Ümumdünya Vəhşi Təbiət Fondunun məlumatına görə, dünyada təxminən 415.000 Afrika fili var və onların sayı beynəlxalq fil sümüyünün ticarəti səbəbindən kəskin şəkildə azalır.

Aysel

Sfera.az

//m.youtube.com/watch?si=mkhvntsEO8e6F9CQ&v=aEvz0YmZHZg&feature=youtu.be