20 yaşında kimi görünən braziliyalı 60 yaşlı Neil Marino gənc görünüşünü qoruyub saxlamağın sirrini açıb. O hesab edir ki, müntəzəm məşqlər ona kömək edib. 

Sfera.az bildirir ki, bu adamın görünüşü çoxlarını heyran edib. 

Kişinin üzündə demək olar ki, qırış yoxdur və o, əla fiziki formadadır. Saçlarının ağarmasına baxmayaraq, təqaüdçü yaşından üç dəfə cavan görünür.

Santa Catarina, Florianopolis şəhərindən olan kişi sosial şəbəkədəki səhifəsində ona inanmayanlara, pensiyaçı kimi pulsuz parkingə icazə verən sənədi göstərən bir fotoşəkil göstərib. 

O, şəklinə "Yaşlılar üçün verilən müavinətlərdən istifadə edirsiniz? 60 yaş" yazıb.

"Aman Allahım, onun 60 yaşı var, amma 20 yaşında görünür. Mənim 32 yaşım var, amma 86 yaşında görünürəm. Bu dünyada açıq-aydın ədalətsizlik var"-deyə abunəçilər yazıb.

Fitnesinə maraq artdıqdan sonra braziliyalı məşqi ilə bağlı ətraflı məlumat paylaşıb.

"Mən həftədə beş dəfə evdə çömbəlmə edirəm. Beş dəst 100 çömbəlmə. Günortadan sonra idman zalında güc məşqləri edirəm, həmçinin həftədə beş dəfə"- Marino yazıb.

Marino əlavə edib ki, o, hər gün piyada gəzir və ya velosiped sürür.

Aynil

Sfera.az