İki ölkənin diplomatları Türkiyə XİN-ə çağırıldı

Danimarka səfirliyinin Türkiyədəki müvəqqəti işlər vəkili və Niderland səfirliyinin müşaviri bu gün Türkiyə Xarici İşlər Nazirliyinə çağırılıblar.

Sfera.az xəbər verir ki, bu barədə diplomatik mənbələrdən bildirilib.

Qeyd edilib ki, buna Türkiyənin Danimarka və Haaqadakı səfirlikləri önündə Qurani-Kərimin yandırılması səbəb olub. Diplomatlara Türkiyənin bu addımları ən sərt şəkildə qınadığı bildirilib.