Rusiyanın Ukraynadakı itkiləri 254 minə yaxınlaşır

Rusiya ordusunun Ukraynadakı itkilərinin sayı 254 minə yaxınlaşır.

Sfera.az Ukrayna Baş Qərargahına istinadən xəbər verir ki, Rusiya müharibənin başlanğıcından bu günə kimi, təxminən, 253 850 canlı qüvvəsini itirib.

Məlumata görə, bundan başqa, Rusiya ordusunun indiyədək 4 298 tank, 8 335 zirehli döyüş maşını, 5 072 artilleriya sistemi, 713 RYAS (reaktiv yaylım atəş sistemləri), 315 təyyarə, 313 helikopter, 4 204 PUA, 1 379 qanadlı raket, 7 543 avtomobil texnikası və 760 xüsusi texnikası məhv edilib.

Qeyd edək ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.