Rusiya Federasiyasının müdafiə nazirinin qızı Kseniya Şoyqu əri, fitnes-blogger Aleksey Stolyarovla uzun müddətdir ki, birlikdə olmadığını deyib. Onun sözlərinə görə, o, keçmiş əri ilə çox yaxın dost olaraq qalıb.
 

Sfera.az bildirir ki,Kseniya Şoyqu və Aleksey Stolyarov 2021-ci ildə evləniblər.

Kseniya Şoyqu bloger Aleksey Stolyarovla mehriban ünsiyyət saxladıqlarını və birgə layihələr həyata keçirdiklərini bildirib.
 

"Uzun müddətdir ki, cütlük deyilik. Amma eyni zamanda biz tərəfdaşıq və çox yaxın dostuq. İş, səfərlər və başqa hər şey... Cütlük olaraq qalmaq, belə bir iş rejimi ilə mümkün deyil. Biz bir-birimizi yalnız bayram günlərində, o hardansa uçanda və ya mən muzeyin açılışından gələndə görürük.Bununla belə, Milanik (Şoyqu və Stolyarovun qızı) həmişə xoşbəxtdir”- deyə Şoyqu bildirib.
 

Ayrıldığını onun keçmiş əri də təsdiqləyib. Stolyarovun sözlərinə görə, o və Kseniya Şoyqu çoxdan bir-birlərinə qarşı hisslərini itirmişdilər və buna görə də müsbət notla ayrılmaq qərarına gəliblər. Keçmiş həyat yoldaşları dostluq münasibətləri saxlamağı və birgə idman layihələrini həyata keçirməyi bacarırlar. Stolyarov onu da əlavə edib ki, keçmiş həyat yoldaşı ilə böyütdükləri qızı Milana üçün çox narahatdır.
 

Xatırladaq ki, Kseniya Şoyqu və Aleksey Stolyarov 2021-ci ildə evləniblər.
 

Qeyd edək ki, Rusiya Ukrayna ilə müharibəyə başlayandan bəri Rusiya müdafiə nazirinin kürəkəni “qeyri-vətənpərvər” davranışı ilə dəfələrlə təbliğat bloqçularının diqqətinə düşüb. O, Dubayda yaşayır və əyləncələrə gedir. Stolyarov xüsusilə “Vaqner” muzdlularının lideri Yevgeni Priqojin tərəfindən bəyənilməyib. Priqojin bloqqerin Rusiya-Ukrayna müharibəsini dəstəkləməməsindən və qayğısız həyat tərzi sürməsindən qəzəblənib.
 

2023-cü ilin fevralında Stolyarov rusiyalı jurnalist Yuri Dudun Telegram-da Böyük Müharibənin ildönümü ilə bağlı yazısını bəyəndikdən sonra da qalmaqalla üzləşib. Lakin ona cəbhəyə getməyi məsləhət görən “Z-pərəstişkarları” ilə yazışdıqdan sonra bloger bəyəni butonunu geri götürüb.
 

Rusiya Federasiyasının müdafiə nazirinin qızı Kseniya Şoyqu da Rusiyanın bəzi keçmiş yüksək vəzifəli şəxsləri arasında rəğbət doğurmur. Belə ki, Roskosmosun keçmiş rəhbəri Dmitri Roqozin onu "axmaq", Rusiya Müdafiə Nazirliyinin rəhbərini isə "keçi" adlandırıb. Səbəb isə Şoyqu, heç vaxt cəbhədə olmayıb.

Xanım

Sfera.az