Cənubi Koreyada son bir neçə gün ərzində yağan güclü yağışlar azı 22 nəfərin ölümünə, 14 nəfərin itkin düşməsinə səbəb olub.
 

Sfera.az xəbər verir ki, əsasən ölkənin mərkəzi və cənub-şərq bölgələrində baş verən itkilər Daxili İşlər və Təhlükəsizlik Nazirliyi tərəfindən təsdiqlənib.
 

Nazirliyin ilkin məlumatına görə, aramsız yağan yağışlar nəticəsində baş verən sürüşmələrdə 5 nəfər ölüb. Analoji şəraitdə daha iki nəfər həlak olub. Ancaq son hesabatda qalan insanların ölüm səbəbləri açıqlanmır.
 

Hesabatda daha sonra bildirilir ki, leysan səbəbindən çərşənbə axşamından bəri 14 nəfər itkin düşüb, 13 nəfər yaralanıb. İyulun 9-da başlayan leysan geniş dağıntılara və yerdəyişmələrə səbəb olub. Son bir həftə ərzində 4760-a yaxın insan evlərini tərk etmək məcburiyyətində qalıb.

Aramsız yağan leysan yağışları ölümlə nəticələnən sürüşmələrə və sakinlərin evlərini tərk etməsinə səbəb olub.


Şənbə günü günortadan sonra 2000-dən çox təxliyə edilmiş insan müvəqqəti sığınacaqlarla təmin edilib. Bundan əlavə, bu müddət ərzində saysız-hesabsız yaşayış ərazilərində elektrik enerjisi kəsilib. Pis hava nəqliyyatı da iflic vəziyyətinə salıb. 20 reys dayandırılıb və bir neçə müntəzəm qatar, o cümlədən yüksək sürətli qatarlar fəaliyyətini dayandırıb.
 

Şənbə günkü hesabatda həmçinin 140-a yaxın yolun keçilməz qaldığı bildirilir. Milli Meteorologiya Agentliyi leysan yağışlarının bazar gününə qədər ölkənin bəzi yerlərində davam edəcəyinin gözlənildiyi barədə xəbərdarlıq edib.
 

Böhranın kəskinləşməsi ilə əlaqədar prezident Yun Suk-yeol baş nazir Han Dak-soya bütün mümkün resursları səfərbər etməyi tapşırıb. Ən güclü yağıntı ölkənin mərkəzi rayonlarına düşüb. İyulun 9-dan bəri Qonqju şəhəri və Çeonqyan qraflığında 60 santimetrdən çox yağış yağıb.

Aysel

Sfera.az