Ötən gün Alyaska sahillərində 7,2 bal gücündə zəlzələ baş verib.

Sfera.az bildirir ki, bu barədə iyulun 16-da ABŞ Geoloji Xidməti (USGS) məlumat yayıb.

Agentliyin məlumatına görə, zəlzələ 9,3 kilometr dərinlikdə baş verib. Daha sonra mütəxəssislər dərinlik səviyyəsini yenidən nəzərdən keçirib və episentrin 32,6 km olduğunu bildiriblər.

Yeraltı təkanlar təkcə Alyaska sahillərində deyil, Aleut adalarında və Kuk İnletdə də hiss olunub. Mütəxəssislər sunami təhlükəsi barədə xəbərdarlıq ediblər.
Milli Sunami Xəbərdarlıq Mərkəzi təhlükənin yüksək səviyyədə olduğunu bildirib. Sunami xəbərdarlığı bütün Alyaska yarımadası və xüsusilə onun cənub sahilləri üçün qüvvədədir (Homerdən cənub-qərbdə 64 km məsafədə və Unalaskadan 128 km şimal-şərqdə olan ərazilərdə).

Şimali Amerikada ABŞ və Kanadanın digər Sakit okean sahilləri üçün sunami təhlükəsi səviyyəsi təxmin edilir. Əlavə məlumaım daha sonra açıqlanacağı bildirilib.

Adada həmçinin Şişaldin vulkanı püskürüb.

Alyaskanın Aleut adalarında Şişaldin vulkanı aktivləşib. Bu, əhəmiyyətli bir kül buludunun püskürməsi ilə nəticələnib. Alyaska Vulkan Rəsədxanasının məlumatına görə, püskürmə çərşənbə axşamı günü başlayıb, bunu ABŞ Sahil Mühafizəsi yerüstü kraterdən lava püskürməsini izləyən uçuş da təsdiqləyib. “Partlayış” nəticəsində kül buludu 12,2 kilometr hündürlüyə qalxaraq Sakit Okeanın üzərindən cənuba doğru qaçıb. Milli Meteoroloji Xidmət pilotlara vulkan külünün mümkün təhlükəsi ilə bağlı xəbərdarlıq edib.

Qeyd edək ki, Şişaldin vulkanı Aleut adalarının ən böyüyü Unimak adasında, Ankoricdən 1092 kilometr cənub-qərbdə yerləşir. Ən böyük püskürmə 1999-cu ildə olub. Bu zaman, kül sütununun hündürlüyü 13,7 kilometrə çatıb.

Xanım

Sfera.az

Sunami təhlükəsi - Alyaska sahillərində güclü zəlzələ qeydə alınıb