Nigeriyada yüksək inflyasiya ilə mübarizə məqsədilə maraqlı addım atılıb. Ölkənin prezidenti Bola Tinubu yüksək ərzaq inflyasiyası və qıtlıqla mübarizə aparmaq üçün ölkəsində fövqəladə vəziyyət elan edib. 

Sfera.az xəbər verir ki, Nigeriya dünyanın ən kasıb və əhalisinin sayı ən çox olan ölkələrindən biridir. Gəlirin aşağı olması səbəbindən əhali yetəri qədər ərzaq məhsulu ala bilmir, əhalinin önəmli hissəsi yoxsulluq şəraitində yaşayır. 

Yüksək inflyasiyanın baş verməsindən sonra əhalinin alıcılıq qabiliyyəti bir qədər də zəifləyib və bu, mal dövriyyəsinin azalmasına səbəb olub. Mal dövriyyəsi azaldığından kənd təsərrüfatı və sənaye mallarının istehsalı da azalıb ki, bu da qıtlıq yaradıb. 

Yaranmış vəziyyətdə dövlət kasıb ailələrə altı ay ərzində ayda 10 dollar (17 manat) yardım göstərəcək. 

BMT-nin yanvarda açıqladığı hesabatda qeyd edilir ki, 2023-cü ildə 25 milyon nigeriyalı qida çatışmazlığı ilə üzləşəcək. 

Nigeriyada qida təhlükəsizliyi probleminin yaranmasının əsas səbəblərindən biri də fermerlərin silahlı quldur dəstələr tərəfindən qaçırılmasıdır. Yalnız bir ildə 350-dən çox fermer qaçırılıb və ya öldürülüb. Bu hücumların çoxu ölkənin şimalında baş verib. 

Bu hadisələr fermerləri kənd təsərrüfatı məhsulları istehsalından çəkindirir. 

Vasif