Rusiya hərbi gəmisi niyə Kubaya yanaşdı? - 30 ildən sonra əlaqələr canlanır?
Rusiyanın "Perekop" təlim gəmisi iyulun 11-də Kuba sahillərində yanaşaraq, illər sonra ilk rəsmi səfərini edib. Kubaya dörd günlük səfər zamanı “Perekop” dənizçiləri geniş fəaliyyətlər keçirəcəklər. Kuba ictimaiyyətinin nümayəndələri gəmini yoxlamaq imkanı əldə edəcəklər. Bununla belə, CNN jurnalistləri rus gəmisinin həqiqətən niyə Kubaya gəldiyini araşdırmağa çalışıblar.
Sfera.az bildirir ki, CNN-in məqaləsində qeyd olunub ki, Rusiya hərbi gəmisinin səfəri SSRİ-nin dağılmasından sonra iki soyuq müharibə müttəfiqi arasında münasibətlərin bərpasının bir növ əlamətidir. Soyuq müharibə az qala Kuba iqtisadiyyatının çökməsinə gətirib çıxarıb.
Üstəlik, Ukraynanın genişmiqyaslı işğalından sonra Havana getdikcə daha çox Moskvanı müdafiə edir.
Bununla belə, amerikalı diplomatların fikrincə, Rusiyanın Kubadakı mövcudluğunun genişləndirilməsi barədə danışmaq boş söhbətdən başqa bir şey deyil.
Prezident Migel Diaz-Kanel mayın 30-da Rusiyanın RT telekanalına verdiyi (nadir) müsahibəsində bildirib ki, Kuba NATO-nun Rusiya sərhədlərinə qədər genişlənməsini və anti-Rusiya sanksiyalarını pisləyir.
Hər iki ölkə də bir sıra sazişlər elan edib və yüksək səviyyəli nümayəndə heyətləri mübadiləsi aparıb. Xüsusilə, Rusiya Kubada 30 ilə qədər torpaq icarəyə götürə, Havana yaxınlığında çimərlik turizmi obyektlərini inkişaf etdirə və adanın çatışmayan yanacağını təmin edə bilər.
Lakin ABŞ-ın Havanadakı baş diplomatının sözlərinə görə, Rusiyanın Kubadakı mövcudluğunun genişləndirilməsi ilə bağlı danışmaq boş söhbət kimi görünür.
"Gözəl bir ispan ifadəsi var ki, deyilənlərlə görülənlər arasında böyük uçurum var. Biz Rusiyanın fəallığının artdığına dair heç bir dəlil görməmişik və açığını desəm, hesab edirəm ki, Kuba hökuməti bu addımı atsa, böyük səhv edəcək”- deyə amerikalı diplomat Benjamin Ziff bildirib.
Bəs Rusiya gəmisinin Kubaya daxil olması nə deməkdir? Məsələ burasındadır ki, Kuba hökuməti iyulun 11-də ABŞ-ı nüvə sualtı qayığının Quantanamodakı ABŞ hərbi-dəniz bazasına üç günlük səfərini pisləyərək bunu “təxribatçı eskalasiya” adlandırıb.
CNN müəllifləri həmçinin hesab edirlər ki, Ukraynadakı müharibənin baha başa gəlməsinə və iqtisadi sanksiyalara baxmayaraq, Rusiya rəsmiləri Kubaya sadiq olduqlarını bəyan edirlər. Xüsusilə, Rusiya Müdafiə Nazirliyinin rəhbəri kubalı həmkarı Alvaro Lopez Mieri dost adlandırıb.
"Kuba Rusiyanın regionda ən mühüm müttəfiqi olub və belə də qalır. Biz azadlıq adasına kömək etməyə və kubalı dostlarımızla çiyin-çiyinə verməyə hazırıq"- deyə Şoyqu bildirib.
Aysel
Sfera.az
