Yaponiyada görünməmiş fəlakət - Sınaqlar zamanı yeni kosmik raket partladı - VİDEO
Bu gün, iyulun 14-də Yaponiya Aerokosmik Tədqiqatlar Agentliyinin sınaq poliqonunda yapon reaktiv daşıyıcıları üçün yeni Epsilon S mühərrikinin sınaqları zamanı partlayış baş verib.
Sfera.az bildirir ki, bu hadisə bu günə qədər Yaponiyanın kosmik sənayesinin uğursuzluqlar seriyasının davamıdır. Yaponiya Təhsil, Elm və Texnologiya Nazirliyinin sözçüsünə görə, heç kim xəsarət almayıb.
Yaponiya kosmik sənayesi uğursuzluqlarla üzləşməkdə davam edir.
Yapon rəsmiləri bildiriblər ki, partlayış Yaponiyanın Epsilon S daşıyıcı raketinin ikinci mərhələsində sınaqlara başlandıqdan təxminən 50 saniyə sonra baş verib.Bu, ötən ilin oktyabrında kosmosa buraxıla bilməyən raketin təkmilləşdirilmiş versiyasıdır.
Videoda yanğının sınaq meydançasından necə çıxması, bundan sonra bütün binanın alov içində qalması göstərilir.
İndi Yaponiya Aerokosmik Tədqiqatlar Agentliyinin nümayəndələri partlayışın səbəblərini araşdırır.
Hələ ötən ilin oktyabrında 2013-cü ildən bu yana 5 uğurlu kosmik uçuş həyata keçirən Epsilon-6 daşıyıcı raketinin uğursuz buraxılışı olub. Sonra bu raket uçuş zamanı partladılıb.
Bu ilin martında, yeni Yapon H3 daşıyıcı raketi də uğursuz buraxılış səbəbindən qısa müddət sonra məhv edilib.
Aprel ayında isə Yaponiyanın ilk Aya eniş aparatı Hakuto-R peykimizə enmək istəyərkən qəzaya uğraylb. Hər şey yaxşı getsəydi, tarixdə ilk dəfə özəl şirkət tərəfindən hazırlanmış eniş aparatı Aya enəcəkdi.
Aynil
Sfera.az
