Rusiyalı general Sergey Surovikin “Vaqner” muzdlu qrupunun qiyamından sonra yoxa çıxıb.

Sfera.az “The Guardian”a istinadən bildirir ki, Rusiya Dövlət Dumasının Müdafiə Komitəsinin rəhbəri Andrey Kartapolov Surovkinin istirahət etdiyini deyib: “Onunla əlaqəm yoxdur. İndi məzuniyyətdədir. Bu, mümkün deyil”.

Nəşr xatırladıb ki, Surovikinin “Vaqner”in rəhbəri Yevgeni Priqojinlə yaxın əlaqələri olduğu bildirilir. “ABŞ kəşfiyyatının iddiasına görə, Surovikinin Priqojinin başçılıq etdiyi silahlı üsyan barədə əvvəlcədən məlumatı olub”.

Digər tərəfdən, rus mediasında Surovkinin həbs edilməsinə dair məlumatlar yayılmışdı. Lakin  onun "Matrosskaya Tişina" və "Kreml Mərkəzi" istintaq təcridxanalarında olmadığı bildirilib. Bu barədə Moskva şəhərinin İctimai Monitorinq Komissiyasının katibi Aleksey Melnikov teleqram kanalında qeyd edib. O, əlavə edib ki, Lefortovo istintaq təcridxanasında generalın müavini də yoxdur.

“The Guardian” həmçinin, Priqojinin yeri ilə bağlı da məlumat paylaşıb: “Şəxsi təyyarəsinin uçuş izləmə məlumatları onun Moskva və Sankt-Peterburq arasında bir neçə dəfə uçduğunu göstərib”, deyə nəşr bildirib.

Türkan