İyunun 12-də 86 yaşında dünyasını dəyişən İtaliyanın keçmiş baş naziri Silvio Berluskoninin mirasının sahibləri bəlli olub.

Sfera.az xəbər verir ki, bununla bağlı “Reuters” agentliyi Berluskoniyə yaxın olmuş bir mənbəyə istinadən məlumat yayıb.

Məlumatdan görünür ki, böyük sərvətə sahib olan keçmiş baş nazirin varidatı övladları ilə yanaşı ölümünə qədər sevgili olduğu xanım və dostu arasında bölünəcək.

Berluskoninin böyük övladları Marina və Pier Silvio atalarının qurduğu “Fininvest” adlı holdinqin əksər səhmlərində bərabər pay alacaqlar. Onlar “Fininvest”in səhmlərinin 53 faizinə sahib olacaqlar.

Səhmlərin qalan hissəsi Berluskoninin ikinci evliliyindən olan övladları Barbara, Eleonora və Luici arasında bölünüb.

Xəbər agentliyinə məlum olub ki, Berluskoni, mirasını hələ 2006-cı ildə bölüb və bununla bağlı vəsiyətnamə imzalayıb.

Berluskoninin son günlərində yanında olan ortağı Marta Fascina mirasdan pay alan şəxslər arasındadır. Fascina və Berluskoninin qardaşı Paolonun hər birinə 100 milyon avro (təxminən 183 milyon manat) pay verilib. Berluskonin digər dostu Marçello Dell Utriyə 30 milyon avro qoyub.

İtaliya qanunlarına görə, uşaqlar valideynlərinin sərvətinin üçdə ikisini bərabər şəkildə alır, qalan üçdə biri isə miras şəklində ala bilər.

Vasif